ЗША змякчаюць санкцыі ў дачыненні да Кубы

Міністэрства гандлю ЗША аслабіла санкцыйны рэжым у дачыненні да Кубы.

Пра гэта паведамляе тэлеканал CNN, піша LB.ua.

Згодна з пастановаю ведамства, грамадзяне ЗША змогуць наведваць Кубу, паказаўшы адну з дзесяці магчымых мэтаў прыбыцця ў краіну, не атрымліваючы спецыяльнага дазволу ад урада. Тым не менш, забарона на візіт у краіну ў турыстычных мэтах усё яшчэ застаецца ў дзеянні. Акрамя таго, амерыканцы змогуць выкарыстоўваць на Кубе крэдытныя карты, а амерыканскія кампаніі - экспартаваць розную кампутарную і іншую тэхніку.

У снежні 2014 прэзідэнт ЗША Барак Абама ў тэлезвароце да краіны абвясціў аб пачатку аднаўлення дыпламатычных стасункаў паміж ЗША і Кубай.

Абама таксама адзначыў, што ЗША будуць рабіць крокі па нарошчванню гандлёвых стасункаў з Кубай. Акрамя таго, ЗША бліжэйшым часам адкрыюць сваю амбасаду ў Гаване. Амерыканскі лідэр таксама заявіў аб маючых адбыцца двухбаковых візітах высокапастаўленых прадстаўнікоў Кубы і ЗША.

Таксама Абама паабяцаў, што Куба стане больш адкрытай краінай для шэрагу катэгорый амерыканцаў, у прыватнасці для тых, хто адпраўляецца туды з бізнэс-мэтамі або ў каго на Кубе ёсць сваякі.

Стасункі ЗША і Кубы рэзка пагоршыліся пасля рэвалюцыі 1959 года, якая прывяла да ўлады брата Рауля Кастра - Фідэля. Тады былі нацыяналізаваныя сотні амерыканскіх кампаній, якія працавалі тады на Кубе. Вашынгтон і Гавана разарвалі дыпламатычныя стасункі, ЗША таксама наклалі на Кубу гандлёвае эмбарга.