У Віцебску працоўны загінуў пад коламі смеццявоза
2- 17.01.2015, 12:30
- 12,701
Учора раніцай кіроўца аўтатранспартнага прадпрыемства «Спецаўтабаза горада Віцебска» рабіў уборку смецця ў раёне дома №7 па вуліцы 9-я Лучэская ў Віцебску.
Ён кіраваў ЗІЛам, калі здзейсніў наезд на свайго напарніка 1957 года нараджэння, паведамілі ў СК. Апошні ад атрыманых траўмаў памёр на месцы здарэння.
Паводле факту гібелі рабочага Следчы камітэт праводзіць праверку.
Следчыя звяртаюцца да магчымых відавочцаў здарэння: «Усім, хто бачыў аварыю або валодае якімі-небудзь звесткамі або відэазапісамі, якія спрыяюць аднаўленню карціны таго, што адбылося, просьба паведаміць пра гэта па тэлефонах 8 (0212) 48-66-64, 102 або з'явіцца па адрасе: Віцебск, праспект Маскоўскі, д. 51a».