Ізраільскія ВПС знішчылі ў Сірыі іранскага генерала
4- 19.01.2015, 16:07
- 8,278
Ізраільскі верталёт абстраляў калону аўтамабіляў у правінцыі Эль-Кунейтра у сірыйскім сектары Галанскіх вышынь.
Генерал Корпуса вартавых ісламскай рэвалюцыі - элітнага фармавання ва ўзброеных сілах Ірана - быў забіты ў выніку ўдару ВПС Ізраіля на тэрыторыі Сірыі, паведамляецца на сайце падраздзялення. Махамед Алахдадзі быў забіты разам з чальцамі ліванскай шыіцкай групоўкі "Хезбала", паведамляе BBC.
Ізраільскі верталёт абстраляў калону аўтамабіляў у правінцыі Эль-Кунейтра у сірыйскім сектары Галанскіх вышынь, у выніку чаго загінулі шэсць чальцоў "Хезбалы", заявіла гэтая групоўка.
Ізраіль адмаўляецца каментаваць гэтыя паведамленні, аднак, паводле звестак з неназваных крыніц, у гэтым раёне сапраўды быў нанесены ўдар з верталёта па баевіках.