Абама прыбыў у Індыю з «беспрэцэдэнтным» візітам

Прэзідэнт ЗША Барак Абама ў нядзелю прыбыў у Дэлі з трохдзённым візітам.

Агенцтва АР адзначыла, што цяперашні візіт носіць беспрэцэдэнтны характар, паколькі ўпершыню ў гісторыі амерыканскі прэзідэнт наведвае Індыю другі раз падчас знаходжання на пасадзе кіраўніка дзяржавы, піша NEWSru.com.

Як паведамляюць назіральнікі, паводле вынікаў візіту ЗША разлічваюць дамагчыся значнага развіцця стасункаў з Індыяй у розных галінах, у тым ліку супрацоўніцтва ў вайскова-тэхнічнай сферы, "адсунуўшы" Расею, у галіне ўзаемнага гандлю, энэргетыкі, уключаючы ядзерную, а таксама барацьбе са зменай клімату , паведамляе "Інтэрфакс".

Як паведамляе агенцтва Reuters, амерыканскага прэзідэнта і першую лэдзі Мішэль Абаму ў аэрапорце асабіста сустракаў прэм'ер-міністр Індыі Нарэндра Модзі. Калі Абама спусціўся з трапа, лідэры дзвюх краін абняліся. Згодна з афіцыйным пратаколам, прэм'ер-міністр Індыі звычайна не сустракае замежных лідэраў у аэрапорце, а чакае іх у прэзідэнцкім палацы. Модзі прыняў пастанову парушыць гэтую традыцыю, чым здзівіў нават сваё асяроддзе. Пасля сустрэчы ў аэрапорце картэж Абамы накіраваўся да рэзідэнцыі прэзідэнта Індыі Пранаба Кумара Мукерджы.

Памочніца прэзідэнта ЗША ў нацыянальнай бяспецы Сьюзан Райс напісала ў Twitter, што паездка "адлюстроўвае імкненне прэзідэнта Абамы паглыбіць нашы стасункі з Індыяй і падняць партнёрства на новы ўзровень".

Мяркуецца, што ў Абама і прэм'ер-міністра Індыі Нарэндра Модзі ў нядзелю правядуць перамовы па шырокаму колу пытанняў, уключаючы ядзерную сферу і праблемы абароны. У панядзелак амерыканскі прэзідэнт возьме ўдзел у святкаваннях з нагоды дня незалежнасці Індыі - у Дэлі адбудзецца маштабны вайсковы парад. Раней меркавалася, што 27 студзеня прэзідэнт і першая лэдзі Мішэль Абама наведаюць знакаміты маўзалей Тадж-Махал у Агры, дзе цягам некалькіх дзён 600 працоўных чысцілі дарогу да помніка архітэктуры і аколіцу, аднак напярэдадні паведамлялася аб скасаванні паездкі - без удакладнення прычынаў.