Сікорскі: Пуцін угаворваў Януковіча «моцна ўдарыць» па Майдану
6- 25.01.2015, 20:46
- 43,332
Пуцін пераконваў былога ўкраінскага прэзідэнта ўдарыць моцна па пратэстоўцам на Майдане.
Аб гэтым заявіў экс-міністр замежных спраў Польшчы Радаслаў Сікорскі. У мінулым годзе ён быў адным з пасярэднікаў у перамовах Віктара Януковіча з апазіцыяй для вырашэння палітычнага крызісу ва Украіне.
«Расейскі прэзідэнт ціснуў на Януковіча і ўгаворваў яго здушыць пратэсты на Майдане. Падчас тэлефонных размоў Пуцін нібыта пераконваў украінскага прэзідэнта, што ён павінны стукнуць моцна», - цытуе Сікорскага газета Frankfurter Allgemeine Sonntagszeitung.
Палітык сказаў, што атрымаў такую інфармацыю з неафіцыйных крыніц.
Нямецкае выданне таксама працытавала кіраўніка ўкраінскага ўрада Арсенія Яцанюка, які сказаў: «У мяне адчуванне, што гэта праўда».
Яцанюк выказаў меркаванне, што Януковіч збег з Кіева не праз паніку, а гэта было часткай плана, мэта якога - арганізаваць пастку для апазіцыі.
Тагачасныя ўкраінскія ўлады разлічвалі на тое, што натоўп пасля ад'езду прэзідэнта з Кіева захопіць і падпаліць парламент.
«Гэта было б для Януковіча падставай для жорсткага падаўлення «фашысцкага путчу» ў сталіцы», - сказаў Яцанюк.