МПЗ: Максімальна ператнем пралазы «дармаедам»

Усе задзейнічаныя ўстановы інтэнсіўна працуюць над праектам дэкрэта для барацьбы з «дармаедамі».

У праекце дэкрэта аб стымуляванні занятасці грамадзян максімальна ператнем пралазы для сыходу ад выплаты падаткаў. Пра гэта карэспандэнту БелТА паведаміў намеснік міністра падаткаў і збораў Аляксандр Дарашэнка.

Міністэрства падаткаў і збораў унесла ў праект дэкрэта свае прапановы, каб максімальна ператнуць шчыліны для сыходу ад падаткаабкладання, адзначыў намеснік міністра. "Дэкрэт накіраваны найперш на працаздольных грамадзян, якія працуюць нелегальна і карыстаюцца ўсімі сацыяльнымі выгодамі за нашыя падаткі і адчуваюць сябе выдатна», - сказаў Аляксандр Дарашэнка.

Гаворачы аб ступені гатоўнасці дакумента, намеснік міністра падкрэсліў, што ўсе задзейнічаныя міністэрствы інтэнсіўна працуюць, каб укласціся ў месячны тэрмін, адведзены Лукашэнкам на нарадзе 13 студзеня.

Як паведамлялася, праектам дэкрэта прапануецца абавязаць працаздольных грамадзян, якія цягам больш як паўгода не выплачвалі падаткі і, адпаведна, не бралі ўдзел у фінансаванні дзяржаўных выдаткаў, плаціць аднаразовы збор у суме 20 базавых адзінак (адная базавая цяпер складае Br180 тысяч). За ўхіленне, несвоечасовую або няпоўную выплату збору будзе прадугледжаная адміністрацыйная адказнасць. Адначасова будзе вызначаны шэраг катэгорый грамадзян, якіх вызваляюцца ад выплаты збору: напрыклад, непрацаздольныя або якія займаюцца выхаваннем дзяцей. Мяркуецца таксама, што не будуць плаціць збор асобы, якія знаходзяцца на тэрыторыі Беларусі менш за 183 каляндарныя дні за год.

Пры гэтым гаворка ідзе пра тое, што адпаведны збор не будзе з'яўляцца нейкай легалізацыяй, напрыклад, незаконнай прадпрымальніцкай дзейнасці, калі чалавек працуе, але не выплачвае падаткі. У выпадку выяўлення такіх фактаў у дачыненні да вінаватых будуць рабіцца захады, прадугледжаныя дзейным заканадаўствам.