У Бранскую вобласць РФ не пусцілі беларускую бульбу
18- 26.01.2015, 16:19
- 15,500
Буйная партыя гародніны затрыманая інспектарамі Рассельгаснагляду ў пункце пропуску «Чырвоны Камень».
У ППУ «Чырвоны Камень» 25 студзеня на ўчастку аўтадарогі М13 «Бранск-Навазыбкаў» быў забаронены ўвоз харчовай бульбы агульнай вагой 20 тон, паведамляе прэс-служба ўправы Рассельгаснагляду Бранскай і Смаленскай абласцей.
Падчас кантролю спецыялістамі ўправы было выяўлена, што груз, які рухаўся з Рэспублікі Беларусь, суправаджаўся несапраўдным фітасанітарным сертыфікатам.
З гэтай прычыны ўся бульба была вернутая на сумежную тэрыторыю.
Паводле факта таго, што здарылася, праводзіцца праверка.