Goldman Sachs: Кошт нафты абрынецца да $30

Кошты нафты працягнуць падзенне і могуць апусціцца да $30 за барэль, мяркуе кіраўнік інвестыцыйнага банка Goldman Sachs Group Inc. Гэры Кон.

Свой прагноз Гэры Кон даў у панядзелак у інтэрв'ю CNBC, паведамляе Bloomberg.

"Нас, верагодна, чакае перспектыва нізкіх коштаў на доўгі час", - заявіў былы нафтатрэйдар, які стаў інвестыцыйным банкірам.

З чэрвеня 2014 года нафта патаннела амаль на 60%. Чальцы АПЕК адмовіліся зніжаць узровень здабычы пры тым, што ЗША імкліва нарасцілі тэмпы здабычы да максімуму за апошнія 30 гадоў, паведамляе РБК.

Нізкія кошты, аднак, зрабілі здабычу сланцавай нафты не прыбытковай, і кампаніі, занятыя ў гэтай сферы, пачалі зачыняць свідравіны.

Фота: AFP