ЗША будуць здабываць нафту на Атлантычным шэльфе

Адміністрацыя прэзідэнта ЗША прапануе адкрыць для бурэння нафтавых і газавых свідравін берагавыя вады шэрагу штатаў на Атлантычным узбярэжжы.

Пра гэта паведамляе The New York Times са спасылкай на крыніцы, піша Lenta.ru.

Паводле іх звестак, прапанова ўвойдзе ў пяцігадовы план Міністэрства ўнутраных спраў ЗША (ведамства займаецца таксама кіраваннем значнай часткай прыродных рэсурсаў і зямель пад федэральнай юрысдыкцыяй), які прадугледжвае магчымы продаж участкаў федэральных зямель для нафтавых і газавых распрацовак у перыяд з 2017 да 2022 году. Мяркуецца дазволіць бурэнне свідравін ля ўзбярэжжа штатаў ад Вірджыніі да Джорджыі.

Чакаецца, што новыя прапановы Белага дома будуць прадстаўленыя ў аўторак, 27 студзеня. З дакументам на працягу некалькіх месяцаў трэба будзе прайсці грамадскія слуханні, пасля чаго ён можа быць перагледжаны.

Выданне адзначае, што гэтая ініцыятыва стане падарункам для нафтавых кампаній, якія на працягу дзесяцігоддзяў выказваліся на карысць нафтавых распрацовак на Атлантычным узбярэжжы.

Пры гэтым ідэю здабычы нафты ў названых раёнах вельмі негатыўна ацэньваюць эколагі. На іх думку, распрацоўка ўчасткаў ля берагоў Вірджыніі, Паўночнай і Паўднёвай Караліны і Джорджыі можа прывесці да экалагічнай катастрофы.

Прэс-сакратар Рады ў абароне прыродных рэсурсаў Боб Дзінс адзначыў, што бурэнне ў Атлантыцы падвергне рызыцы ўсё ўсходняе ўзбярэжжа. Газета адзначае, што з моманту разліву нафты ў Мексіканскім заліве ў 2010 годзе заканадаўства, якое рэгулюе бяспеку працы марскіх буравых, ніяк не змянілася. Пры гэтым буйныя кампаніі сцвярджаюць, што пасля катастрофы яны зрабілі больш жорсткім правілы сваёй працы.

Белы дом не ўпершыню выходзіць з прапановай аб пачатку распрацоўкі радовішчаў у берагавых водах. Прынамсі, у 2010 годзе, да таго, што адбылося ў Мексіканскім заліве, адміністрацыя прэзідэнта прапаноўвала пяцігадовы план, які дазваляў кампаніям купляць участкі для бурэння ў дзяржаўных водах Вірджыніі. Аднак пасля катастрофы ўлады адмовіліся ад гэтай ідэі.

У 2010 годзе на нафтавай платформе Deepwater Horizon у Мексіканскім заліве адбыўся выбух, які павярнуўся найбуйнейшай экалагічнай катастрофай у гісторыі ЗША. Спыніць уцечку нафты атрымалася толькі праз пяць месяцаў. У выніку аварыі загінулі 11 чалавек.

Запасы атлантычнага кантынентальнага шэльфа ацэньваюцца ў 3,3 мільярда барэляў і 31,3 трыльёна кубічных футаў прыроднага газу. Гэтыя звесткі заснаваныя на двухмерных сейсмічных даследаваннях, якія былі зробленыя ў пачатку 1980-х гадоў. Экспэрты энэргетычнай галіны не выключаюць, што запасы могуць быць нашмат большымі.