«БМВ» урэзаўся ў дрэва на Партызанскім праспекце ў Менску
25- 4.01.2015, 13:03
- 32,961
Кіроўцу дасталі, зрэзаўшы дах аўтамабіля.
Дарожна-транспартнае здарэнне з удзелам аўтамабіля «БМВ» і дрэва адбылося на адным з самых ажыўленых праспектаў Менска ў суботу ўвечары.
Паводле інфармацыі прэс-сакратара Менскага гарадскога ўпраўлення МНС Віталя Дэмбоўскага, паведамленне аб ДТЗ на Партызанскім праспекце, паміж плошчай Ванеева і вуліцай Васняцова, паступіла а 18.22. Адбылося сутыкненне легкавога аўтамабіля «БМВ-730», 1999 года выпуску, які належыць грамадзяніну 1980 года нараджэння, з дрэвам. За рулём знаходзіўся навучэнец УА «Менскі дзяржаўны аўтамеханічны каледж», 1996 года нараджэння, паведамляе interfax.by
Кіроўца аўтамабіля дэблакаваны работнікамі МНС з чэрапна-мазгавой траўмай сярэдняй ступені, закрытай траўмай грудной клеткі, ударам органаў брушной поласці шпіталізаваны ў бальніцу хуткай медыцынскай дапамогі.
Як паведамляюць відавочцы выратавальнай аперацыі, для дэблакавання кіроўцы прыйшлося зрэзаць дах у нямецкай іншамаркі.