«Газпрам» хоча пазычыць мільярд еўраў праз еўрабонды

«Газпрам» размяшчае трохгадовыя еўрааблігацыі на 1 млрд еўра пад 4,625% гадавых.

Пра гэта РБК паведаміла крыніца ў банкаўскіх колах.

Кампанія некалькі разоў мяняла дыяпазон даходнасці: першапачатковы складаў 5-5,125%, затым ён быў зніжаны да 4,75-4,875%. Road-show еўрабондаў пачалося 5 кастрычніка, арганізатарамі выступілі інвестбанк Banca IMI (Intesa), JPMorgan і Unicredit.

Гэта першае размяшчэнне «Газпрама» з лістапада 2014 года, калі кампанія прыцягнула 700 млн даляраў пад 4,45% на год.

У еўра «Газпрам» размяшчаў еўрабонды апошні раз у лютым 2014 года, тады кампанія атрымала 750 млн еўраў на сем гадоў пад 3,6%.