«Рэал» назваў умовы продажу Роналду

Мадрыдскі «Рэал» пагодзіцца прадаць нападніка Крышціяну Раналду ў тым выпадку, калі клубу паступіць самавітая прапанова.

Пра гэта паведамляе El Confidencial.

Адзначаецца, што мадрыдцы сталі адкрытыя да прапаноў у трансферы партугальца нібыта праз вечарынку, наладжаную Раналду ў гонар свайго 30-годдзя. Яна адбылася праз некалькі гадзін пасля разгромнага паражэння «Рэала» ад мадрыдскага «Атлетыка», свайго прынцыповага спаборніка, што не спадабалася прэзідэнту «каралеўскага клуба» Фларэнтына Перэсу, піша Lenta.ru.

Кіраўнік «сметанковых» асабіста выказаў пажаданне зарабіць на магчымым сыходзе Раналду з клуба, так як купля гульца ў 2009 годзе абышлася «Рэалу» ў 80 мільёнаў еўра. Паводле звестак El Confidencial, у вяртанні партугальца зацікаўлены яго былы клуб «Манчэстар Юнайтэд».

Дзеючы кантракт Роналду з мадрыдцамі мінае ўлетку 2018 года. У складзе «Рэала» футбаліст выйграў чэмпіянат Гішпаніі, Лігу чэмпіёнаў-2014 і некалькі нацыянальных трафеяў. У студзені 2015-га нападнік стаў уладальнікам «Залатога мяча» -2014 - прыз, які ўручаецца лепшаму футбалісту года.

Фота: AP