Ісламісты ў Іраку спалілі жыўцом 45 чалавек

Джыхадзісты спалілі 45 чалавек у горадзе Аль-Багдадзі на захадзе Ірака.

Пра гэта заявіў начальнік мясцовай паліцыі, палкоўнік Касім аль-Абейд, паведамляе BBC.

Кім былі гэтыя людзі і за што яны былі забітыя, пакуль дакладна невядома, аднак сілавік мяркуе, што некаторыя з гэтых людзей былі супрацоўнікамі службаў бяспекі.

Баевікі ІД захапілі большую частку Аль-Багдадзі на мінулым тыдні. Палкоўнік Абейд сказаў, што дамы супрацоўнікаў праваахоўных органаў і службаў бяспекі цяпер падпадаюць пад напады. Ён звярнуўся па дапамогу да ўрада і міжнароднай супольнасці. Сутыкненні і перабоі з сувяззю ў гэтым раёне абцяжарваюць магчымасць пацвердзіць або зняпраўдзіць гэтыя паведамленні.

У пачатку лютага «Ісламская дзяржава» распаўсюдзіла відэазапіс спалення жыўцом іарданскага пілота, захопленага ісламістамі раней. На відэазапісу быў выяўлены Моаз аль-Касаcбі, ахоплены агнём, знаходзячыся зачыненым у металічнай клетцы.

У нядзелю ўвечары лівійскія джыхадзісты, звязаныя з групоўкай «Ісламская дзяржава», размясцілі ў інтэрнэце відэазапіс крывавай расправы над егіпецкімі хрысціянамі-коптамі, што працавалі ў Лівіі рыбакамі. Закладнікаў, апранутых у аранжавыя робы, вывелі на бераг мора, дзе прымусілі стаць на калені і адрэзалі ім галовы.

Гэта выклікала ўзрушэнне і абурэнне ў Егіпце, дзе хрысціяне, паводле розных звестках, складаюць да 15% насельніцтва.