Віталь Радзівонаў: Добра, што нарэшце здабылі перамогу
- 19.02.2015, 9:38
- 4,145
Нападнік БАТЭ пасля заканчэння матчу з «Церакам» (1:0) адзначыў, што задаволены вынікам.
Тым не менш, са слоў Віталя Радзівонава, у гульні каманды яшчэ хапае недахопаў, піша прэс-служба барысаўскага клуба.
- Добра, што нарэшце здабылі перамогу, - сказаў ён. - Усё-такі не маглі гэтага зрабіць у чатырох папярэдніх кантрольных сустрэчах сёлета. Так што станоўчых эмоцый дадалося. Тым не менш ёсць яшчэ маса момантаў, якія патрабуюць паляпшэння або выпраўлення. Думаю, гэта бачаць і трэнерскі штаб, і самі футбалісты.
Нам трапіўся вельмі добры супернік, які добра валодаў мячом і проста так яго не аддаваў. Таму большую частку паядынку нам даводзілася працаваць у абароне. Хоць напружанасці «Церак» стварыў не шмат - гэта перш за ўсё кажа пра тое, што мы пісьменна абараняліся, была належная кампактнасць. А вось у дзеяннях наперадзе трэба сур'ёзна дадаваць. У тым ліку ў пераходзе ў атаку.
Чыста фізічна я сёння адчуваў сябе добра. І, калі б спатрэбілася, застаўся б на полі да фінальнага свістка. Але выдатна разумею прыроду спарынгаў - трэнеры даюць гульнявы час амаль усім хлопцам.