ЖКГ прапануе адключаць камунальныя паслугі завінавачаным

Сталічная ЖКГ прапаноўвае прыпыняць камунальныя паслугі завінавачаным ужо праз месяц пратэрмінаваных плацяжоў.

Пакуль адключыць тыя ж святло і ваду камунальнікі маюць права, калі з непаважлівых прычынах менчукі не плацілі за іх больш за два месяцы нават пасля таго, як атрымалі пісьмовае папярэджанне. На днях намеснік гендырэктара ГА «Менская гарадская жыллёвая гаспадарка» (МГЖГ) Аляксей Герасімчык прапанаваў скараціць гэты тэрмін да аднаго месяца і павялічыць пеню за кожны дзень пратэрміноўкі аплаты, піша «Кмсомольская правда в Беларуси».

- 85,1% завінавачаных сёння - людзі, якія не аплачваюць камунальныя паслугі цягам двух месяцаў. На 1 лютага гэтага года агульная сума іх запазычанасці склала 6 млрд 906 млн, у той час як агульная сума запазычанасці менчукоў па жыроўках - 10 млрд 929 млн рублёў. І праблема нарастае як снежная лава. Калі ў студзені мінулага года агульная запазычанасць складала прыкладна 6 млрд, то ў гэтым годзе яна вырасла да 10 млрд. Калі сітуацыю не змяніць, не выключана, што да пачатку наступнага года можам выйсці з запазычанасцю ў 15 млрд рублёў, - растлумачыў Аляксей Герасімчык.

- Няўжо можна «перакрыць» няплатніку паслугі? Як, да прыкладу, адключыць каналізацыю у асобнай кватэры?

- Згодны, ваду можна адключыць не ва ўсіх кватэрах, ды і электрычнасць настойлівы жыхар можа падключыць сам, рызыкуючы жыццём. Але, паверце, пры жаданні супрацоўнікі ЖЭСа на час змогуць адключыць кожную паслугу. Нават каналізацыю. Мера гэтая дарагая, яе ўжываюць толькі ў крайніх выпадках. Затое эфектыўная. Спецыяльны прыбор «Спрут» запускаюць у каналізацыйны стаяк і закаркоўваюць увод кватэры ў агульную каналізацыю. Для гэтага работніку ЖЭСа не абавязкова заходзіць у кватэру, ніякіх нязручнасцяў суседзям няма. Як прызнаюцца работнікі ЖЭС, досыць «абясточыць» так адну-дзве кватэры ў раёне, як усе пачынаюць плаціць па рахунках.

- На колькі хочаце павялічыць пеню?

- Цяпер за кожны дзень пратэрміноўкі пеня складае 0,3%. Мы будзем звяртацца ў Міністэрства жыллёва-камунальнай гаспадаркі з прапановай павялічыць яе да 3% у дзень. Думаю, мера будзе дзейснай. Калі пару месяцаў таму мы агучылі гэтыя 3%, толькі за кошт сарафаннага радыё за месяц запазычанасць за камунальныя паслугі ў сталіцы скарацілася на 5 млрд рублёў.

- Калі будзе вядома, ці адобраць вашу прапанову?

- Спачатку мы адправім прапанову ў Міністэрства ЖКГ. Калі іх вердыкт будзе станоўчы, яна адправіцца на разгляд ва ўрад.