Прамысловая вытворчасць Менска ў студзені абрынулася на 14,6%

Прамысловая вытворчасць Менска ў студзені 2015 абрынулася на 14,6% у гадавым вылічэнні пасля зніжэння на 10,8% у снежні 2014 года.

Паводле афіцыйных звестак, яна склала 9,4 трлн рублёў, піша АФН.

Валавы рэгіянальны прадукт у студзені знізіўся на 3,1% да 15,5 трыльёнаў рублёў.

Інвестыцыі ў асноўны капітал знізіліся на 31,6%. Аб'ём жыллёвага будаўніцтва абрынуўся на 30,6% да 66.400 квадратных метраў.

Рознічны тавараабарот павялічыўся на 7,5% і склаў 7,8 трлн рублёў, аптовы - на 8,7% да 31,6 трлн рублёў.