Генпракурор: Прымушаць чыноўнікаў дэклараваць тое, што захоўваецца дома, - абсурд
48- 20.02.2015, 19:42
- 35,627
Абавязковае дэклараванне ашчадку, які захоўваюцца ў сем'ях чыноўнікаў, немэтазгоднае.
Пра гэта заявіў генэральны пракурор Беларусі Аляксандр Канюк на прэс-канферэнцыі ў Менску ў пятніцу, піша "Інтэрфакс".
"Некаторыя прапановы (аб барацьбе з карупцыяй - ІФ) арыгінальныя. Скажам, паступіла прапанова, каб чыноўнікі дэкларавалі нават ашчадак, які знаходзяцца ў іх дома. Мы пачалі вывучаць гэтае пытанне і прыйшлі да высновы, што гэта абсурдна. Выходзіць, што гэта будзе "навядзенне" з боку дзяржорганаў у дачыненні да асобных службовых асоб", - сказаў Канюк.
Са слоў генпракурора, у праваахоўных органаў "ёсць іншыя спосабы выяўлення непрацоўных даходаў", у тым ліку пры ўчыненні службовымі асобамі ды іхнымі сямейнікамі вялікіх купляў. "Іншая рэч, калі чалавек купляе нейкія дарагія рэчы: тады ён павінен разлічыцца. А лічыць, колькі ў каго ў кішэні на сёння, - напэўна, гэта не вельмі слушна", - адзначыў ён.