Экс-прэзідэнт Емена вызвалены з-пад хатняга арышту
- 21.02.2015, 13:19
- 3,215
Былы прэзідэнт Емена Абд Мансур Хадзі ўпершыню пакінуў сваю рэзідэнцыю ў сталіцы краіны Сане.
Там ён знаходзіўся пад хатнім арыштам пасля таго, як шыіцкі рух "Ансар Алах" захапіў у студзені ўладу ў Емене, паведамляе BBC.
Прыхільнікі "Ансар Алах" называюць сябе "хусітамі" ў гонар забітага дзесяць гадоў таму заснавальніка руху Хусэйна Аль-Хусі.
Паведамляецца, што Абд Мансур Хадзі накіроўваецца да ключавога горада Адэн на поўдні краіны, дзе яго прыхільнікі адмовіліся прызнаць уладу "хусітаў".
Аднак у пятніцу, варагуючыя бакі Ёмена пагадзіліся сфармаваць "народную пераходную раду" для вываду краіны з крызісу.