МЗС Украіны: Ключавыя краіны ЕЗ гатовыя ўвесці ў Данбас міратворцаў

Шэраг краін ЕЗ гатовы выдзеліць кантынгенты для ўдзелу ў міратворчай місіі.

Пра гэта ў эфіры праграмы «Свабода слова» на тэлеканале ICTV заявіў дырэктар дэпартамента палітыкі і камунікацый Міністэрства замежных спраў Украіны Аляксей Макееў, піша РБК-Украина.

«У інтарэсах Украіны зрабіць так, каб міратворчыя сілы стаялі на мяжы з Расейскай Федэрацыяй, каб яны аддзялялі баевікоў, якія ваююць, ад нашых Узброеных сіл. Каб яны кантралявалі тое, як прытрымліваюцца рэжыму спыненне агню, каб яны кантралявалі, куды адводзіцца тэхніка, як праводзіцца раззбраенне, як выводзяцца незаконныя ўзброеныя фармаванні з тэрыторыі Украіны», - распавёў Макееў.

Ён падкрэсліў, што перамовы аб міратворцах праводзіліся ўжо з некаторымі «ключавымі гульцамі ў Еўрапейскім звязе». «Нам далі зразумець, што гэтыя краіны пазітыўна адгукнуцца на просьбу вылучыць свой кантынгент», - адзначыў Макееў і дадаў, што цяпер не можа назваць канкрэтныя дзяржавы. «Галоўнае, каб гэтая місія была ўкамплектаваная той колькасцю міратворцаў, якія былі б здольныя выканаць заданне і фактычна захаваць мір», - рэзюмаваў Макееў.

Падчас кансультацый Рады бяспекі ААН у Нью-Ёрку міністар замежных спраў Украіны Павел Клімкін заявіў, што Украіна намагае на ўвядзенні міратворцаў ААН для ўстанаўлення міру ў Данбасе. Намеснік міністра замежных спраў Алена Зеркаль сёння паведаміла, што пытанні міратворчай місіі ва Украіне будуць абмяркоўвацца на сустрэчы кіраўнікоў МЗС Нямеччыны, Францыі, Украіны і Расеі ў Парыжы 24 лютага.