Лаўроў пакінуў перамовы аб Украіне без тлумачэнняў
31- 24.02.2015, 17:15
- 86,333
Кіраўнік расейскага МЗС сышоў з перамоў міністраў замежных спраў «нармандскай чацвёркі» ў Парыжы.
Пра гэта паведамляе «Укрінфарм».
«Міністр замежных спраў Сяргей Лаўроў пакінуў будынак Міністэрства замежных спраў Францыі, дзе праходзяць перамовы кіраўнікоў МЗС «нармандскай чацвёркі». Ён не пракаментаваў журналістам прычыны свайго сыходу», - паведамляе выданне.
Кіраўнікі МЗС «нармандскай чацвёркі» абмяркоўвалі сітуацыю ва Украіне. Перад пачаткам перамоваў міністры абмяняліся поціскамі рукі.
Раней у Парыжы прайшла двухбаковая сустрэча кіраўнікоў МЗС Францыі Ларана Фабіюса і Нямеччыны Франка Вальтэра Штайнмаера перад перамовамі ў «нармандскім фармаце».