Джыхадзісты «Ісламскай дзяржавы» знішчаюць старажытныя скульптуры (Відэа)

Баевікі ІД апублікавалі відэа пра знішчэнне старажытных скульптур у музеі Масула.

Генеральны дырэктар ЮНЕСКА Ірына Бокава гнеўна асудзіла знішчэнне «Ісламскай дзяржавай» старажытнасцяў у іракскім горадзе Масул, піша korrespondent.net.

«Я глыбока шакаваная відэазапісам, апублікаваным сёння, які паказвае знішчэнне статуй і іншых артэфактаў у Музеі Масула. Я асуджаю гэта, як наўмысную атаку супраць тысячагадовай гісторыі і культуры Ірака, а таксама як падбухторванне да гвалту і нянавісці», - гаворыцца ў заяве Бокавай.

Як адзначае кіраўніца ЮНЕСКА, дзеянні «Ісламскай дзяржавы» парушаюць нядаўнюю рэзалюцыю Рады Бяспекі ААН, якая асуджае знішчэнне культурнай спадчыны і ўжывае захады ў прадухіленні незаконнага продажу старажытнасцей і культурных каштоўнасцяў Ірака і Сірыі.

Са слоў Бокавай, яна звярнулася да Рады Бяспекі з просьбай арганізаваць экстранае пасяджэнне ў пытанні абароны культурнай спадчыны Ірака.

У сетцы з'явілася відэа, на якім людзі ў чорнай вопратцы скідаюць на падлогу скульптуры і руйнуюць іх пры дапамозе кавадлаў і нават электрычнай дрылі. Прынамсі, яны руйнуюць адзін з шэдэўраў асірыйскага мастацтва - скульптуру крылатага быка з Нінэвіі, якая адносіцца да IX стагоддзя да н.э., што ўважаўся за святыню-абаронцу.