За год падатак на здачу кватэр у арэнду ў Менску вырас амаль у два разы
8- 4.02.2015, 11:30
- 12,748
З 3 лютага ўстаноўлены новыя фіксаваныя стаўкі падатку для тых, хто здае жыллё ў арэнду.
Менгарсавет зацвердзіў новыя стаўкі падатку на здачу жылля ў арэнду. Пастанова працуе ўжо з 3 лютага. А, значыць, плаціць па-новаму павінны ўжо з гэтага месяца, піша «Комсомольская правда в Беларуси».
Нагадаем, што фіксаваны падатак на здачу жылля ў арэнду трэба плаціць кожны месяц. Паводле закона, гэта робіць гаспадар жылля. Сума падатку залежыць ад таго, у якім раёне знаходзіцца кватэра. Напрыклад, за адзін пакой, што здаецца ў першай эканоміка-планіровачнай зоне (цэнтр Менска), трэба плаціць 240 тысяч рублёў. Калі пакой здаецца ў пятай эканоміка-планіровачнай зоне (напрыклад, у Шабанах), то каштуе ён гаспадару жылля 120 тысяч рублёў у месяц.
Будзь дасведчаным!
Колькі трэба плаціць у месяц за адзін пакой, што здаецца ў арэнду?
1-я зона - 240 тысяч рублёў
2-я зону - 200 тысяч рублёў
3 і 4-я зоны - 170 тысяч рублёў
5-я зона - 120 тысяч рублёў.
ЛІЧЫЛКА «КП»
Апошнім разам падатак на здачу жылля павышаўся ў сакавіку летась. А дагэтуль - з 1 студзеня 2013 года. «Камсамолка» падлічыла, на колькі вырас падатак на здачу жылля за год (з лютага 2014 да лютага 2015 г.). У якасці прыкладу мы ўзялі двухпакаёвую кватэру, якая здаецца ў цэнтры Менска, і такую ж двухпакаёўку, але дзе-небудзь у мікрараёне Шабаны.
Атрымліваецца, за год падатак на арэнду кватэр у цэнтры Менска павялічыўся на 80%, а кватэр у аддаленых мікрараёнах - на 25%.