На спадарожніку Юпітэра будуць шукаць жыццё

NASA адправіць новую місію на спадарожнік Юпітэра Еўропу.

Пра гэта паведамляе New Scientist са спасылкай на праект бюджэту агенцтва на 2016 год, піша «Карэспандэнт».

Пасля таго, як у сярэдзіне 1990-х гадоў касмічны апарат Galileo паказаў, што пад ледзяной скарынкай Еўропы можа хавацца вадкі салёны акіян, стала зразумела, што спадарожнік можа быць адным з самых перспектыўных кандыдатаў для выяўлення жыцця. Нядаўна стала вядома, што ў такога вадаёма можа быць сувязь з разрэджанай атмасферай спадарожніка.

NASA з партнёрамі плануе стварыць зонд, які спачатку будзе знаходзіцца на арбіце Юпітэра, а затым - Еўропы, пры гэтым не будзе высаджвацца на самім спадарожніку, бо інтэнсіўная касмічная радыяцыя там можа быць небяспечнай для апарата.

Запусцяць зонд у другой палове 2020 года. На праграму на працягу пяці гадоў NASA з 2016 года збіраецца вылучыць 255 млн даляраў. Раней агенцтва ўжо атрымала сто мільёнаў даляраў, а ў 2016 годзе атрымае яшчэ 30 мільёнаў.