На мяжы Саудаўскай Арабіі і Іраку будуюць 900-кіламетровую сцяну

Улады Саудаўскай Арабіі прыступілі да ўзвядзення магутнага ўмацаванага раёна агульнай працягласцю 900 кіламетраў на мяжы з Іракам.

Рэалізацыя праекта ідзе разгарнулася напоўніцу і можа быць скончаная яшчэ да канца гэтага года, паведамляе ТАСС.

«Саудаўская сцяна» будзе складацца з традыцыйных загарод і высокатэхналагічных сістэм сачэння. Ствараюцца спецыяльныя пяшчаныя бар'еры, якія абцяжарваюць рух людзей і тэхнікі, далей ідзе перашкода ў выглядзе сталёвага плота і некалькіх шэрагаў з калючага дроту. У прымежнай паласе будзе ўстаноўлена 78 назіральных вежаў, забяспечаных сучаснай радарнай сістэмай SPEXER 2000. Прылады змогуць выявіць аб'екты, што рухаюцца, на адлегласці ад 18 да 36 кіламетраў у залежнасці ад іх памеру.

Акрамя гэтага, сцяна будзе забяспечаная падземнымі датчыкамі і камерамі начнога бачання. У выпадку парушэння мяжы на месца адразу прыбудуць групы хуткага рэагавання на БТР.

Ахоўваць сцяну адначасова будуць 3 тысячы жаўнераў на 240 БТР і пазадарожнікаў.

Са слоў афіцыйнага прадстаўніка памежнай службы каралеўства Мухамада аль-Гамдзі, гэты праект павінен забяспечыць Саудаўскай Арабіі бяспеку ад пранікнення ў краіну баевікоў з Ірака.