Уэслі Кларк: Лепшая зброя супраць агрэсіі РФ – інфармацыя
6- 9.02.2015, 9:32
- 11,722
Самая моцная зброя супраць расейскай агрэсіі - праўда і публічная інфармацыя.
І ўкраінскі ўрад павінен прапускаць праз сябе шмат інфармацыі, перш чым рабіць нейкія заявы. Пра гэта ў інтэрв'ю ТСН заявіў былы камандуючы сіламі NATO у Косаве, амерыканскі генерал у адстаўцы Уэслі Кларк.
«Тое, што я б раіў: украінскі ўрад павінен быць вельмі добра арганізаваным, прапускаць праз сябе вельмі шмат інфармацыі перш, чым рабіць нейкія заявы, дзеянні павінны быць добра кіраваныя і каардынаваныя І яшчэ: самая моцная зброя - сіла праўды. Публічная інфармацыя», - сказаў Кларк.
Былы камандуючы сіламі NATO у Косаве мяркуе, што расейскі народ разумее, што ўся кампанія агрэсіі ў дачыненні да Украіны зыходзіць ад Уладзіміра Пуціна, і што калі б не ён, расейцы яе не падтрымалі б.
Таму Уэслі Кларк заклікае украінцаў тлумачыць сваім расейскім сваякам, што на самой справе адбываецца ва Украіне.
«Я б хацеў і натхніць, і папрасіць украінцаў, якія маюць сваякоў у Расеі, аб персанальных перамовах, персанальных размовах, нават нягледзячы на ўвесь негатыў. Кожны дзень вы павінны тлумачыць, што вы бачыце», - сказаў Кларк.