Падазраваныя ў забойстве Нямцова абскардзілі арышт
5- 11.03.2015, 15:00
- 9,971
Яшчэ двое падазраваных у забойстве Барыса Нямцова абскардзілі свой арышт.
Як паведаміла прэс-сакратарка Басманнага суду Масквы Ганна Фадзеева, у суд паступілі скаргі ад адвакатаў Анзора Губашава і Рамзата Бахаева, паведамляе BBC.
Раней паведамлялася, што абарона аднаго з пяці падазраваных паводле справы аб забойстве Нямцова падала скаргу на ягоны арышт.
Акрамя гэтага, адзін з арыштаваных паводле справы аб забойстве апазіцыянера Барыса Нямцова былы супрацоўнік МУС Чачні Заур Дадаеў паскардзіўся праваабаронцам на жорсткае абыходжанне з ім і заявіў, што не прызнае сябе вінаватым.
Нагадаем, 8 сакавіка Басманны суд Масквы арыштаваў пецярых падазраваных паводле гучнай крымінальнай справы - Заура Дадаева, Анзора Губашава, Шагіда Губашава, Тамерлана Эскерханава і Рамзата Бахаева. Усе яны прабудуць пад вартай да 28 красавіка.