Ермакова вяртаецца

Былая старшыня Нацбанку Надзея Ермакова вяртаецца ў банкаўскую сферу.

Яна паспяхова прайшла ацэнку адпаведнасці пасадзе члена савета дырэктараў банка. Інфармацыя пра гэта размешчана на сайце Нацбанка.

Які з банкаў паклікаў да сябе Надзею Ермакову, не паведамляецца, але ў якасці кантактнага нумара ў яе заяўцы пакінуты тэлефон банка «БелВЭБ». Менавіта пра гэты банк казаў Аляксандр Лукашэнка, распавядаючы аб месцы далейшай працы Ермаковай. Мяркуецца, што яна будзе сустаршынёй праўлення банка «БелВЭБ», піша «Наша ніва».

Надзея Ермакова была адпраўленая ў адстаўку ў снежні 2014 года. За тры месяцы без працы яна як раз паспела дабудаваць яшчэ адзін дом у Драздах.