Украіна атрымала першую рату крэдыту МВФ

Грошы першай раты крэдыту Міжнароднага валютнага фонду пачалі паступаць на рахункі Міністэрства фінансаў Украіны ў Нацыянальным банку.

Пра гэта паведамілі ў прэс-службе ведамства, піша «Лiга.нет».

«Грошы пачалі паступаць на рахункі Мінфіна ў НБУ. Плануецца, што НБУ атрымае $2,2 млрд, Мінфін - $2,8 млрд», - паведамілі ў прэс-службе. Там удакладнілі, што рата паступіць да канца дня.

Нагадаем, учора міністр фінансаў Наталля Ярэська паведаміла, што першую рату фінансавай дапамогі ад МВФ Украіна атрымае ўжо 13 сакавіка. З яе слоў, памер першай раты складзе каля $5 млрд, з якіх $2,2 млрд будуць накіраваныя ў Нацбанк, а $2,8 млрд - ураду.

11 сакавіка, рада дырэктараў МВФ зацвердзіла новую чатырохгадовую крэдытную праграму Extended Fund Facility (EFF) на $17,5 млрд, або 12,348 SDR, замест ранейшай праграмы stand-by на $17 млрд.

Плануецца, што $10 млрд Украіна атрымае ў 2015 годзе.