Экс-прэм'ер Тайланда ідзе пад суд праз рысавыя палі
- 19.03.2015, 9:15
- 3,589
Былая прэм'ер-міністарка Тайланда Йінглак Чынават стане перад Вярхоўным судом у траўні праз абвінавачванне ў карупцыі і халатнасці.
Паводле звестак следства, гэта прывяло да растраты дзяржсродкаў на субсідаванне рысавых палёў, паведамляе BBC.
Абвінавачванне ёй было прад'яўленае ў сярэдзіне лютага. Тады генпракурор Тайланда заявіў, што нанесеная дзяржаве шкода ацэньваецца ў некалькі мільярдаў даляраў.
Экс-прэм'еру пагражае да дзесяці гадоў пазбаўлення волі. Прыхільнікі Йінглак Чынават уважаюць справу за палітычную.
Йінглак Чынават страціла сваю пасаду ў траўні 2014 года, незадоўга да вайсковага перавароту. У канцы студзеня 2015 парламент Тайланда вынес ёй фармальны імпічмент.