Стывен Кінг падзеліцца сакрэтамі майстэрства ў новай кнізе

Стывен Кінг ў канцы года выпусціць кнігу, у якой падзеліцца сакрэтамі пісьменніцкага майстэрства.

Англамоўны "Базар начных кашмараў" (The Bazaar of Bad Dreams) пабачыць свет у лістападзе і будзе ўяўляць сабой зборнік з 20 кароткіх гісторый, піша m24.ru.

Усім апавяданням будуць папярэднічаць аўтарскія каментары пра тое, як, калі і чаму Кінг іх прыдумаў і напісаў, паведамляе The Guardian. Калі зборнік з'явіцца на прылаўках расейскіх крам, пакуль невядома.

Чытачы "Базару начных кашмараў" пазнаёмяцца, прынамсі, з расповедам "Смерць" пра мужчыну, абвінавачанага ў забойстве праз срэбны даляр, і гісторыю чалавека, які раз за разам паўтараў уласныя памылкі. Акрамя таго, у зборнік увойдзе аповед Кінга пра канец чалавечай расы.

Адзначым, што 15 гадоў таму, у 2000 годзе, Стывен Кінг выпусціў твор "Як пісаць кнігі: Мемуары аб рамястве" (On Writing: A Memoir of the Craft). Выданне ўяўляла сабой мікс з аўтабіяграфічных нататак і сакрэтаў пісьменніцкага майстэрства.

Стывен Кінг - амерыканскі пісьменнік, прызнаны "кароль жаху", містыкі, трылера. Нарадзіўся 21 верасня 1947 года. Кінг напісаў больш за 50 раманаў, амаль 200 апавяданняў і аповесцяў, атрымаў мноства прэстыжных прэмій.

Фота: WireImage