ByFly падвышае кошты

Кампанія «Белтэлекам» абвясціла аб павышэнні з 12 сакавіка коштаў на нізкахуткасныя тарыфныя планы лінейкі «Дамасед».

Тарыфныя планы з хуткасцю доступу 3 і больш Мбіт/с застаюцца без змен. Кошт тарыфаў на ўсе іншыя паслугі электрасувязі таксама не зменіцца, піша onliner.by.

Тарыф ByFly «Дамасед» падаражэе з 84 450 да 97 200 рублёў, «Дамасед класік» - з 89 850 да 105 000 рублёў, «Надзейны Дамасед» і «Дамасед Юніёр» - ад 108 000 да 120 000 рублёў. Кошт пакета паслуг «Оптымум Плюс» павялічыцца на 11 400 рублёў, а «Універсал» - на 6 600. Таксама нязначна падаражэюць архіўныя прапановы «Эканом» і «Оптымум».

У кампаніі заклікалі абанентаў пераходзіць на больш хуткасныя тарыфы з мінімальнай розніцай у кошце.