Сэйм Польшчы ўхваліў стварэнне супольнай брыгады з Літвой і Украінай

Мэтай стварэння брыгады з'яўляецца паглыбленне рэгіянальнага вайсковага супрацоўніцтва і дапамога Украіне ў рэфармаванні яе Узброеных сіл.

Польскі Сэйм прыняў закон, які надае прэзідэнту Польшчы права ратыфікаваць пагадненне аб фармаванні супольнай польска-ўкраінска-літоўскай брыгады. Закон, які пасля гэтага паступіць у Сэнат, падтрымалі 408 дэпутатаў.

Асноўная задача брыгады будзе ва ўдзеле ў міратворчых місіях, а мэтай стварэння вайсковай групы з'яўляецца паглыбленне рэгіянальнага вайсковага супрацоўніцтва і дапамогу Украіне ў рэфармаванні яе Узброеных сіл. Брыгада, падраздзяленні якой будуць размяшчацца на тэрыторыі дзвюх дзяржаў, а штаб камандавання - у Любліне, павінна таксама стаць базай для стварэння чарговай баявой групы Еўразвязу, перадае Polskie radio.

Брыгада будзе задзейнічаная ў аперацыях пад эгідай ААН, NATO і ЕЗ, а таксама ў рамках розных кааліцый, якія створаныя ў адпаведнасць з статутам ААН.

Цяпер працягваецца праца над тэхнічным пагадненнем паміж Польшчай, Украінай і Літвой. Пасля яго прыняцця рабочыя групы змогуць расчацца з фармаваннем дакладнай структуры брыгады.

Нагадаем, у лютым віцэ-прэм'ер і міністр абароны Польшчы выказаў спадзяванне, што яшчэ гэтай восенню брыгада правядзе першыя вучэнні.