Мінгандлю: Пакупкі ў замежных інтэрнэт-крамах упарадкуюць

Пакупкі беларусаў у замежных інтэрнэт-крамах плануецца ўпарадкаваць.

Пра гэта журналістам заявіў міністр гандлю Валянцін Чаканаў, паведамляе БелТА.

Міністр падкрэсліў, што беларусы па-ранейшаму будуць мець магчымасць рабіць пакупкі ў замежных інтэрнэт-крамах. "Гэты гандаль будзе працаваць і далей, але тут трэба прымаць некаторыя нарматыўныя прававыя акты, каб ён быў упарадкаваны", - сказаў Валянцін Чаканаў. - Мы гэтым шляхам ідзем, і ўжо некаторыя пытанні ў гэтым кірунку развязалі".

Аб канкрэтных кроках і захадах "упарадкавання пакупак у замежных інтэрнэт-крамах" міністр не распавёў.

Валянцін Чаканаў адзначыў, што замежныя інтэрнэт-крамы забіраюць частку абароту ў айчынных вытворцаў. Для таго каб канкураваць на роўных, беларускай лёгкай прамысловасці трэба не толькі вырабляць якасную і даступную прадукцыю, але і ўдасканальваць метады продажу.

Нагадаем, з 25 кастрычніка 2014 г. указам Лукашэнкі №360 быў павялічаны максімальная кошт пасылак, якія беларусы змогуць атрымліваць без выплаты мытных пошлін: у паштовых адпраўленнях з 120 да 200 еўра, пры дастаўцы перавозчыкам - з 10 да 200 еўра. У ДМК звяртаюць увагу, што колькасць адпраўленняў, якія дазволена атрымаць з-за мяжы, не абмежаваная: галоўнае ўпісацца ва ўстаноўленыя законам ліміты.

Паводле статыстыкі, 81% беларусаў робіць пакупкі ў айчынных інтэрнэт-крамах. Але апошнім часам нашы грамадзяне ўсё часцей заказваюць тавары поштай на замежных гандлёвых пляцоўках. У гэтым спісе першы Кітай з доляй 33%. На другім месцы - краіны ЕЗ, на трэцім - расейскія крамы.