Азаранка: «Імкнуся стаць першым нумарам. І не згодная на меншае»

Беларуска, якая ў першым крузе турніру ў Маямі абыграла гішпанку Сільвію Салеры-Эспіноса з лікам 6:1, 6:3, пракаментавала перамогу.

«У апошнія гады мне з гэтым турнірам не вельмі шанцавала, але я яго люблю. Тут заўсёды вельмі моцная сетка. Я рада тут згуляць.

Заўсёды прыемна вяртацца ў месцы, з якімі ў мяне звязана шмат успамінаў. Я вельмі хачу набраць ход і паспрабаваць згуляць як мага больш матчаў. Але галоўнае - гэта павышаць свой узровень.

Я рада, што ў другім сэце змагла адыграцца з лікам 1:3, змагла прыбавіць у патрэбны момант. Але я хацела б, каб у маёй гульні з'явілася крыху больш чым стабільнасць.

Цяпер для мяне важная толькі адна лічба - я імкнуся стаць першым нумарам. І я не згодна на меншае», - прыводзіць словы тэнісісткі афіцыйны сайт турніру, піша by.tribuna.com.