Злодзеі абакралі 15 катэджаў пад Менскам

Агульная сума «здабычы» склала парадку 1,5 млрд рублёў.

Пра гэта сайту charter97.org паведамілі ў прэс-службе Следчага камітэта.

Цягам 2014 на тэрыторыі Менскага раёна была зарэгістраваная серыя крадзяжоў, учыненых адным спосабам: зламыснікі загадзя рыхтаваліся да здзяйснення злачынстваў. Пераканаўшыся, што ў доме нікога няма, шляхам адціскання пластыкавага акна або дзвярэй, пранікалі ўнутр, выкрадалі грашовыя сродкі, ювелірныя вырабы, каштоўнасці, дарагую тэхніку і вывозілі на аўтамабілі.

Падчас правядзення комплексу аператыўна-вышуковых мерапрыемстваў і следчых дзеянняў падазраваныя былі ўсталяваныя і затрыманыя. Імі выявіліся двое менчукоў, 1985 і 1986 гадоў нараджэння, раней ужо судзімыя за такія злачынствы.

Следствам выяўлена дачыненне абвінавачаных да 15 фактаў злачыннай дзейнасці. Агульны ўрон склаў парадку 1,5 мільярдаў рублёў.

Фігурантам справы выстаўленае абвінавачванне паводле ч.4 арт.205 (крадзеж, учынены паўторна, з пранікненнем у жыллё, групай асоб, у асабліва буйным памеры), ч.3 арт.294 (крадзеж агнястрэльнай зброі і боепрыпасаў групай асобаў) КК РБ.

Матэрыялы крымінальнай справы перададзеныя ў пракуратуру для накіравання ў суд, паведамляе прэс-служба УСК Менскай вобласці.