На Беларусь насоўваецца магутны цыклон Udo
11- 15.04.2015, 14:31
- 84,748
Цыклон прынясе ў Беларусь вецер з парывамі да 24 метраў у секунду.
16 красавік цыклон Udo прынясе ў Беларусь вецер з парывамі да 24 метраў у секунду, паведамляе pogoda.by.
На большай частцы тэрыторыі пройдуць ападкі, пераважна дождж. Удзень у асобных раёнах грымнуць навальніцы. Вецер паўднёва-заходні, заходні моцны парывісты. Тэмпература паветра мінімальная ўночы +2.. +9°С, максімальная ўдзень +8.. +13°С, на поўдні да +15°С. Атмасферны ціск уначы будзе падаць, удзень пачне расці.
У наступныя два дні захаваецца халаднаватае няўстойлівае надвор'е. Надвор'е абумовяць атмасферныя франты і халодныя паветраныя масы, якія паступаюць з поўначы Еўропы.
17 красавіка ўночы месцамі, удзень на большай частцы пройдуць кароткачасовыя дажджы. Тэмпература паветра мінімальная ўночы складзе 0.. +5°С, максімальная ўдзень 7.. +14°С.
18 красавіка на большай частцы тэрыторыі пройдуць ападкі (дождж, месцамі з мокрым снегам). Тэмпература паветра мінімальная ўночы будзе вагацца ад -3°С да +3°С, максімальная ўдзень ад +4°С на паўночным захадзе да +12°С на паўднёвым усходзе краіны.