Найбуйнейшы ў свеце лайнер Airbus А-380 здзейсніў вымушаную пасадку ў Дамадзедаве

Самы вялікі ў свеце пасажырскі лайнер Airbus А-380 вымушана прызямліўся ў маскоўскім аэрапорце.

Пра гэта паведамляе ў панядзелак "Інтэрфакс".

"Самалёт авіякампаніі Emirates выконваў рэйс з Дубая ў Х'юстан, аднак аднаму з пасажыраў стала дрэнна, і самалёт здзейсніў вымушаную пасадку ў Маскве", - распавяла агенцтву крыніца ў экстраных службах аэрапорта.

Яна ўдакладніла, што найбліжэйшым часам захварэламу пасажыру будзе нададзеная медыцынская дапамога, і самалёт прадоўжыць палёт маршрутам.

Гэта не першы авіяінцыдэнт цягам апошніх дзён. Напярэдадні стала вядома аб такім выпадку, які адбыўся з самалётам Boeing 777, які выконваў рэйс з Масквы ва Уладзівастока. У палёце аднаму з пасажыраў - грамадзяніну Паўднёвай Карэі - стала дрэнна. Камандзір паветранага судна быў гатовы здзейсніць вымушаную пасадку ў Краснаярску. Аднак пасажыр раптоўна сканаў. Мяркуючы з афіцыйнага сайта аэрапорта Уладзівастока, гаворка ідзе пра рэйс "Аэрафлота" SU-1700.

Airbus A380 - самы вялікі пасажырскі лайнер у свеце. Яго даўжыня складае 73 м, вышыня - 24,1 м, а размах крыла - 79,8 м. Максімальная ўзлётная маса лайнера - 560 т (маса самага самалёта - 280 т), паведамляе "РБК". А-380 можа здзяйсняць пералёты без пасадкі на адлегласць да 15 тысяч 200 км. Умяшчальнасць - 555 пасажыраў (853 - у чартарнай канфігурацыі). Сярод вялікіх лайнераў самы эканамічны - 3 л паліва на аднаго пасажыра на 100 км шляху. Мае чатыры рухавікі. Прадугледжаная мадыфікацыя A-380F з магчымасцю перавозіць груз да 150 т на адлегласць да 10 тысяч 400 км.