УБП Беларусі абрынуўся на 2,6%

Пры гадавым прагнозе росту УБП на 0,2-0,7% у студзені-красавіку 2015 абрынуўся на 2,6% і склаў 253,92 трлн. рублёў.

Вытворчасць прамысловай прадукцыі ў гэты перыяд знізілася на 7,5% да 229,8 трлн. рублёў. Запасы гатовай прадукцыі склалі 39,1 трлн. рублёў, ці 84,6% да сярэднямесячнага аб'ёму прамвытворчасці (у студзені-красавіку 2014 - 83,5%). Удзельная вага інавацыйнай прадукцыі ў агульным аб'ёме адгружанай прадукцыі склала 12,7% супраць 14,7% летась.

Пра гэта паведаміў Нацыянальны статыстычны камітэт. Варта адзначыць, што звесткі афіцыйнай статыстыкі часта скажаюцца ў прапагандысцкіх мэтах.

Выпуск сельгаспрадукцыі гаспадаркамі ўсіх катэгорый павялічыўся на 4,8% да 25,6 трлн. рублёў. Выпуск прадукцыі сельгасарганізацыямі павялічыўся на 5,9% да 24,2 трлн. рублёў, паведамляе БелаПАН.

Інвестыцыі ў асноўны капітал знізіліся на 5,9% да 60,8 трлн. рублёў. Уведзена ў эксплуатацыю 1 млн. 836 тыс. кв. м жылля (на 27% больш за леташні паказчык).

Перавозкі грузаў транспартам выраслі на 2,3% да 147 млн. тон.

Раздроблены тавараабарот вырас на 1,3% і склаў 105,6 трлн. рублёў, аптовы - знізіўся на 0,9% і склаў 190 трлн. рублёў.