Украіна ўзмацніла ахову мяжы з Беларуссю ў чаканні дыверсантаў
21- 2.05.2015, 8:44
- 10,665
На ўсім адцінку дзяржаўнай мяжы Украіны ў межах Валынскай і Ровенскай абласцей уведзеная ўзмоцненая ахова.
Пра гэта паведамілі УНІАН у прэс-службе Луцкага памежнага атрада.
Цягам травеньскіх святаў у пунктах пропуску будзе ўзмоцнены памежны кантроль, накіраваны на спыненне спроб перасячэння мяжы тэрарыстамі і незаконнага перамяшчэння праз яе зброі, выбуховых, атрутных, радыеактыўных рэчываў ды іншых прадметаў, якія могуць быць выкарыстаныя як сродкі ўчынення тэрактаў.
Акрамя таго, у рамках дадатковых часавых рэжымных абмежаванняў, уведзеных у мінулым годзе, ва ўсіх кантраляваных памежных раёнах вобласці забараняецца: пражыванне ў памежнай паласе грамадзян Расейскай Федэрацыі, у якіх няма дазволу на сталае пражыванне на тэрыторыі Украіны, выкарыстанне ў транспартных сродках радыёстанцый, акрамя спецыяльнага транспарту, рух транспартных сродкаў на дарогах, што вядуць ад населеных пунктаў да дзяржаўнай мяжы і не забяспечваюць іх рух да ўсталяваных пунктаў пропуску праз дзяржаўную мяжу (акрамя сельскагаспадарчай тэхнікі, якая праводзіць работы), прыпыненне транспартных сродкаў на узбочынах дарог на адцінках мясцовасці паміж дзяржаўнай мяжой і пунктамі пропуску для аўтамабільных злучэнняў «Гарадзішча», «Прыкладнікі», «Дольск», «Даманава», «Пішча», «Пулемец», выхад маламерных плавальных сродкаў на водныя аб'екты ў межах памежнай паласы.
Валынская і Ровенская вобласці Украіны размешчаныя на паўночным захадзе краіны і мяжуюць з Берасцейскай вобласцю Беларусі.