«Савет рэспублікі» ўхваліў рабскі дэкрэт

Верхняя палата «парламента» 20 траўня прыняла да ведама дэкрэт №3 «Аб папярэджанні сацыяльнага ўтрыманства».

«Палата прадстаўнікоў» прыняла такую ж пастанову 6 траўня, паведамляе БелаПАН.

Прэзентавала заканадаўцам дэкрэт міністарка працы і сацыяльнай абароны Мар'яна Шчоткіна.

Нагадаем, дэкрэтам устанаўліваецца абавязак грамадзян Беларусі, замежных грамадзян і асоб без грамадзянства, якія пастаянна пражываюць на тэрыторыі краіны і якія не ўдзельнічалі ў фінансаванні дзяржаўных расходаў або ўдзельнічалі ў такім фінансаванні менш 183 каляндарных дзён у мінулым годзе, выплаты збору 20 базавых велічынь (на сёння - 3 млн. 600 тыс. рублёў).

Грамадзяне, якія займаюцца 183 каляндарныя дні і больш у годзе працоўнай і іншай устаноўленай дэкрэтам дзейнасцю (прадпрымальніцкай, рамеснай, творчай, адвакацкай або натарыяльнай, дзейнасцю ў аказанні паслуг у сферы аграэкатурызму, выкананнем работ у грамадзянска-прававых дамовах, навучаннем у дзённай форме атрымання адукацыі і т. д.), прызнаюцца, што яны ўдзельнічаюць у фінансаванні дзяржаўных расходаў і, адпаведна, вызваляюцца ад выплаты збору.

Да ўдзелу ў фінансаванні дзяржаўных расходаў будуць належаць таксама перыяды выхавання дзіцяці да сямі гадоў, дзіцяці-інваліда да 18 гадоў, траіх і больш непаўналетніх дзяцей.

Дэкрэтам вызначаны пералік катэгорый грамадзян, якія вызваляюцца ад выплаты збору. Гэта, між іншым, недзеяздольныя грамадзяне, інваліды, асобы маладзейшыя за 18 гадоў, жанчыны, якія дасягнулі 55 гадоў, мужчыны - 60 гадоў, некаторыя іншыя катэгорыі.

Сума збору, якая падлягае выплаце плацельшчыкамі, памяншаецца на сумы выплачаных імі ў мінулым падатковым перыядзе падаткаў (падаходны падатак з фізічных асоб, адзіны падатак з індывідуальных прадпрымальнікаў і іншых фізічных асоб, падатак пры спрошчанай сістэме падаткаабкладання).

Па агульнаму правілу, збор падлягае выплаце не пазней за 15 лістапада года, што рушыць за мінулым падатковым перыядам, на падставе паведамлення падатковага органа.

Разам з тым у мэтах стымулявання плацельшчыкаў збору да ягонай самастойнай выплаты прадугледжваецца магчымасць змяншэння сумы збору на 10% у выпадку, калі плацельшчыкі збору з 1 жніўня гэтага падатковага перыяду да 31 траўня, наступнага за мінулым падатковым перыядам, падасць у падатковы орган адпаведнае апавяшчэнне. У гэтым выпадку збор падлягае выплаце не пазней ліпеня 1 года, наступнага за мінулым падатковым перыядам.

Нявыплата або няпоўная выплата збору цягнуць накладанне штрафу ад двух да чатырох базавых велічынь або адміністрацыйны арышт з абавязковым прыцягненнем да выканання грамадска карысных работ.

Дэкрэт прымяняецца да адносін, што ўзніклі з 1 студзеня 2015 года.

У Беларусі, паводле ацэнак дзяржаўных экспэртаў, сёння налічваецца блізу 400 тысяч чалавек, якіх улады могуць аднесці да «сацыяльных утрыманцаў».

Як паведаміла Марыяна Шчоткіна, механізм выяўлення «дармаедаў» распрацаваны. Для гэтага будуць задзейнічаны інфармацыйныя рэсурсы. Асноўныя з іх - база МУС «пашпарт» і рэгістр насельніцтва, які таксама вядзе міліцэйская ўстанова. Вядзенне базы плацельшчыкаў ускладзеная на Міністэрства падаткаў і збораў.