Белстат зафіксаваў рост заробкаў беларусаў... на 3 даляры

Сярэдні заробак работнікаў Беларусі за красавік узрос на Br52,4 тыс. (крыху больш за тры даляры), сцвярджаюць у Белстаце.

Намінальна налічаны сярэднямесячны заробак работнікаў Беларусі ў студзені-красавіку сёлета склаў Br6 млн. 301,2 тыс., у тым ліку ў красавіку - Br6 млн. 536,1 тыс. і павялічыўся ў параўнанні з сакавіком гэтага года на 0,8%, або на Br52,4 тыс., паведамляе Нацыянальны статыстычны камітэт (Белстат).

Рэальны заробак (заробак, разлічаны з улікам росту спажывецкіх коштаў на тавары і паслугі) у студзені-красавіку 2015 у параўнанні са студзенем-красавіком 2014 зменшыўся на 3,2%, у красавіку ў параўнанні з сакавіком 2015 - на 0 , 1%, паведамляе БелТА.

Паводле падлікаў Белстата, у красавіку гэтага года ў прамысловасці сярэдні заробак склаў Br6 млн. 839,8 тыс., у будаўніцтве - Br7 млн. 523,4 тыс., на транспарце і ў сувязі - Br7 млн. 518,3 тыс., у сельскай і лясной гаспадарцы - Br4 млн. 902,7 тыс., у адукацыі - Br4 млн. 828,2 тыс., у тым ліку настаўнікаў - Br5 млн. 827,1 тыс., прафесарска-выкладчыцкага складу - Br7 млн. 798,8 тыс. Заробак работнікаў аховы здароўя ў красавіку склаўся ў сярэднім у суме Br5 млн. 507,8 тыс. сярэдні заробак лекараў склаў Br8 млн. 983,9 тыс., сярэдняга медыцынскага персаналу - Br5 млн. 501,4 тыс.