П'яны мянчук атакаваў з вогнетушыцеля аўтамабілі на праезнай частцы

Інцыдэнт адбыўся 22 траўня а 20:30 на вуліцы Слабадской у Менску.

Чытач onliner.by стаў відавочцам таго, як хлопец, знаходзячыся на праезнай частцы, распыляе перад аўтамабілем змесціва вогнетушыцеля. Пасля гэтага ён адыходзіў у бок і «лавіў» такім чынам наступнае аўто. Чаго хацеў дамагчыся хлопец сваімі паводзінамі і дзе ён узяў вогнетушыцель, не зразумела.

«Ехаў з дзіцем у аўтамабілі і ўбачыў такое. Выскоквае на праезную частку чалавек з вогнетушыцелем і пускае ў мой бок брую газу. Прычым я быў не першы, каго ён сустрэў такім чынам, і, мабыць, не апошні. Хлопцу на выгляд гадоў 25. Быў цалкам у неадэкватным стане. Выходзіць і размаўляць я з ім не стаў, усё ж з дзіцем ехаў. Неўзабаве ўбачыў экіпаж ДАІ і паведаміў ім пра здарэнне. Паказаў відэа, яны паабяцалі разабрацца», - распавёў ён.

У РУУС Маскоўскага раёна паведамілі, што сапраўды з паведамлення пра гэта аб хлопцу на месца выбываў экіпаж ДАІ. Хлопец у стане алкагольнага ап'янення знаходзіўся на праезнай частцы. У дачыненні да яго склалі адміністрацыйны пратакол паводле ч.2 арт.19.23 (парушэнне правілаў дарожнага руху пешаходам, учыненае ў стане алкагольнага ап'янення, цягне накладанне штрафу ў суме ад трох да пяці базавых адзінак).