Уступная кампанія ў менскія гімназіі пачнецца 2 чэрвеня

Іспыты для паступлення ў 5-ы клас гімназій менскія школьнікі пачнуць здаваць з 2 чэрвеня.

Падача дакументаў працягнецца да 1 чэрвеня ўключна, паведамляюць «Мінск-Навіны».

Пра гэта паведаміла журналістам начальніца аддзела дашкольнай, агульнай, сярэдняй і спецыяльнай адукацыі камітэта адукацыі Менгарвыканкама Марына Юркевіч. «Навучанне на першай ступені школы закончаць амаль 17 тысяч навучэнцаў. Гэта на 876 хлопчыкаў і дзяўчатак больш, чым летась», - распавяла яна.

Расклад уступных экзаменаў для будучых пяцікласнікаў выглядае наступным чынам:

2 чэрвеня – дыктоўка ў расейскай мове;

4 чэрвеня - кантрольная работа ў матэматыцы;

6 чэрвеня – дыктоўка ў беларускай мове;

8 чэрвень - іспыты ў асобных тыпах мастацтваў.

10 чэрвеня - рэзэрвовы дзень для тых, хто з уважнай прычыны не здолеў здаць экзамен у якой-небудзь дысцыпліне.

Пачатак уступных выпрабаванняў запланаваны на 11 гадзін раніцы. Працягласць - 45 хвілін.

Тэксты і заданні абвесцяць праз радыё і тэлевізію прадстаўнікі Міністэрства адукацыі.

Пры залічэнні ў 5-ы клас складаюцца адзнакі, атрыманыя ў выніку атэстацыі за год і падчас уступных іспытаў. Загады аб залічэнні ў гімназію будуць прынятыя да 12 чэрвеня.

У 2014 годзе ў 5-я гімназічныя класы Менска было прынята 4240 навучэнцаў. Конкурс у горадзе ў сярэднім складаў 1,3 чалавека на месца; сярэдні прахадны бал - 49,8.

Падаць дакументы ў 1-я класы можна будзе з 2 чэрвеня да 28 жніўня. Пералік дакументаў, патрэбных для паступлення ў школу, змешчаны на сайтах устаноў адукацыі і камітэта адукацыі Менгарвыканкама.

Са слоў Марыны Юркевіч, у новым навучальным годзе ў Менску плануюць адкрыць больш за 800 першых класаў. Упершыню за парты сядзе больш як 21 000 дзяцей.