Лідары Кітая і Тайваня сустрэліся ўпершыню за шэсць гадоў
- 4.05.2015, 10:25
- 8,718
Кітайскі лідар Сі Цзіньпін і старшыня кіруючай партыі Тайваня Гаміньдан Эрык Чу правялі перамовы ў Пекіне.
Гэта была першая сустрэча двух лідараў за шэсць гадоў. Праз кітайскую дзяржаўную тэлевізію былі паказаныя кадры двух палітыкаў, што ўсміхаліся і паціскалі адзін аднаму рукі ў Доме народных сходаў, паведамляе руская служба BBC.
Тайвань аддзяліўся ад Кітая пасля заканчэння грамадзянскай вайны ў 1949 годзе. КНР дагэтуль лічыць выспу сваёй правінцыяй.
Аднак эканамічныя стасункі паміж краінамі палепшыліся пасля прыходу да ўлады партыі Гаміньдана ў 2008 годзе.