Брытанцы выбіраюць парламент
- 7.05.2015, 9:46
- 11,379
У Вялікабрытаніі пачалося галасаванне на ўсеагульных выбарах, падчас якіх грамадзяне будуць выбіраць 650 сябраў палаты абшчын.
Колькасць зарэгістраваных выбаршчыкаў складае блізу 50 млн. чалавек. Паралельна праходзяць выбары ў муніцыпальныя рады, паведамляе BBC.
Выбары праходзяць у 650 аднамандатных акругах паводле мажарытарнай сістэме: у кожнай акрузе выбаршчыкі будуць галасаваць не за партыю, а за канкрэтнага кандыдата, і пераможа той, хто набярэ простую большасць галасоў.
Фармаванне новага ўрада будзе залежаць ад таго, якая партыя ці кааліцыя атрымае большасць паводле вынікаў галасавання.
Да закрыцця выбарчых участкаў а 22:00 паводле мясцовага часу (поўнач па Менску) брытанскія СМІ не могуць паведамляць ніякіх звестак, якія могуць паўплываць на пастанову выбаршчыкаў.