Амерыканцы выпусцілі свой АК-47
42- 1.07.2015, 15:59
- 23,557
АК-47 амерыканскай вытворчасці ўжо з'явіліся ў некаторых зброевых крамах ЗША.
Пра гэта распавёў віцэ-прэзідэнт Kalashnikov USA Біл Сілвер, паведамляе РІА "Новости".
Кампанія Kalashnikov USA, былая Russian Weapon Company, з'яўляецца афіцыйным імпарцёрам і дыстрыбутарам прадукцыі «Калашнікава». У 2014 годзе яе дзейнасць апынулася пад пагрозай праз санкцыі, якія Вашынгтон увёў супраць Расеі. 6 чэрвеня паведамлялася, што канцэрн «Калашнікаў» адмовіўся збіраць аўтаматы ў ЗША.
У студзені амерыканскія збройнікі заявілі, што пачнуць уласную вытворчасць аўтаматаў Калашнікава.
АК-47 і яго мадыфікацыі з'яўляюцца самай распаўсюджанай стралковай зброяй у свеце. Кожны пяты аўтамат у свеце - АК або яго копія. За 65 гадоў, якія прайшлі з моманту прыняцця АК-47 на ўзбраенне ў СССР, ва ўсім свеце выпушчана больш за 100 млн аўтаматаў, Калашнікавым узброеныя войскі 50 дзяржаў.