Фабрыка Roshen выйграла суд у расейскіх падаткавікоў

Ліпецкая кандытарская фабрыка Roshen выйграла суд ў Федэральнай падатковай службе Расеі.

Паводле даных інфармагенцтваў, абласны арбітраж прызнаў незаконным пастанову ФНС налічыць фабрыцы 35 млн рублёў пеняў і штрафаў. Акрамя таго, суд адмяніў пастанову падаткавікоў не кампенсаваць фабрыцы 26 млн рублёў ПДВ, паведамляе руская служба BBC.

Прычыны прыняцця такой пастановы невядомыя, бо апублікаваная толькі яго рэзалютыўная частку. Матывіроўка будзе пададзена пазней. У бакоў ёсць месяц на абскарджанне прынятай арбітражам пастановы.

Абедзве абскарджаныя заводам пастановы падаткавікоў прынялі паводле вынікаў апошняга квартала мінулага года. Прэтэнзіі ў ФНС выклікаў дагавор фабрыкі з будаўнічай кампаніяй «Металімпрэс».

Падаткавікі меркавалі, што кампанія выконвала работы завышаным коштам, што дазволіла фабрыцы атрымаць неабгрунтаваную падатковую выгаду за кошт завышэння падатковых вылікаў ПДВ.

Акрамя ФНС прэтэнзіі да фабрыкі выказваў Следчы камітэт Расеі. Ягоныя прадстаўнікі сцвярджаюць, што за кошт падобнай схемы Roshen у 2012 і 2013 гадах скраў з расейскага бюджэту 180 млн рублёў.

У дачыненні да фабрыкі была распачатая справа аб махлярстве. На прадпрыемстве адбыліся ператрусы. Акрамя таго, суд арыштаваў маёмасць Roshen агульным коштам блізу 2 млрд рублёў.

Ліпецкая фабрыка Roshen з'яўляецца расейскім даччыным прадпрыемствам аднайменнага ўкраінскага канцэрна, заснаванага Пятром Парашэнкам яшчэ да пачатку яго палітычнай кар'еры.