Бэрлусконі прысудзілі да трох гадоў турмы ў справе аб подкупе сэнатараў
2- 8.07.2015, 21:54
- 7,389
Суд Нэапаля прысудзіў ў сераду былога прэм'ер-міністра Італіі Сільвіё Бэрлусконі да трох гадоў пазбаўлення волі.
Суд прызнаў Сільвіё Бэрлусконі вінаватым у подкупе сэнатараў у 2007 годзе з мэтай скідання ўрада на чале з прэм'ер-міністрам Рамана Продзі.
Пра гэта паведамляе РІА "Новости".
Адзначаецца, што пракуратура патрабавала прысудзіць экс-прэм'ера да пяці гадоў турэмнага зняволення ў гэтай скандальнай справе.
Судовы працэс супраць Бэрлусконі пачаўся ў Нэапалі ў лютым 2014 года.
Так, паводле версіі дзяржаўнага абвінавачання, у 2007 годзе Бэрлусконі, знаходзячыся ў апазіцыі, выдаткаваў некалькі мільёнаў еўраў на подкуп шэрагу сэнатараў з кіроўнай большасці, якія перайшлі на ягоны бок. Пасля гэтага ён здалеў справакаваць урадавы крызіс, у выніку якога прэм'ер-міністр Рамана Продзі ў студзені 2008 года падаў у адстаўку.