Каб запісацца ў басейн у Менску, трэба дзяжурыць усю ноч
12- 28.08.2015, 8:52
- 19,256
Чаргу па абанементы ў сталічны басейн «Старт» менчукі займаюць амаль за 24 гадзіны.
Вуліца Глебкі ў Менску. На дзвярах басейна аб'ява: "Продаж абанементаў 28 жніўня а 9.00". Але а палове восьмай вечара ў чацвер, 27 жніўня, пад дзвярыма тут ужо чалавек дзесяць, піша kp.by.
- Усё па абанементы? За кім можна заняць чаргу?
- Запісвайцеся ў сшытак.
Журналіст унёс сваё прозвішча пад нумарам 176.
- І што, у мяне ёсць шанец купіць абанемент?
- Вядома. Іх будзе не менш за 400.
- А што далей?
- Прыходзьце на пераклічку а палове дзясятай. Вы як быццам у мінулым годзе не стаялі.
Высвятляецца, такая сітуацыя з запісам у "Старт" была і ў мінулым, і пазамінулым годзе.
- Каб дзіця магло паплаваць, можна адну ноч не паспаць, - уздыхае мужная бабуля.
- Усю ноч трэба стаяць?
- На пераклічцы вызначым. Хтосьці застанецца, прызначым дзяжурных.