Мама Домрачавай: Унучка вельмі прыгожая!
29- 2.10.2016, 8:21
- 19,878
Шчаслівая бабуля падзялілася эмоцыямі з журналістамі.
1 кастрычніка ў беларускай спартоўкі, алімпійскай чэмпіёнкі Дар'і Домрачавай і нарвежскага біятланіста Оле-Эйнар Б’ёрндалена нарадзілася дачка - рост 53 см, вага 3650. У радзільню пара прыехала а трэцяй ночы, а раніцай, а 10.20 Дар'я нарадзіла. Цяпер мама і малая пачуваюцца добра.
- Мы сталі бацькамі маленькай дзяўчынкі. Усё прайшло добра, - падзяліўся сваімі эмоцыямі з нарвежскім выданнем VG sporten Б'ёрндален, - Яна нарадзілася а 10:20 раніцы. Мы вельмі шчаслівыя і ганарымся!
Мама Дар'і Домрачавай Ларыса распавяла kp.by, што абавязкова наведае дачку і ўнучку.
- Яны вельмі шчаслівыя, цяпер адпачываюць. На каго падобная дзяўчынка? Ха! Не ведаю, але яны кажуць, што яна вельмі прыгожая!
Нараджала Домрачава ў 6-м радзільным доме Менска, у палаце падвышанай камфортнасці.
Нагадаем, у красавіку 2016 года стала вядома, што пара чакае дзіця. Затым Оле і Дар'я згулялі ў Нарвегіі вяселле. Нараджаць Домрачава прыехала ў Менск. Спачатку для нараджэння першынца яна выбрала 5 радзільню сталіцы, аднак пазней высветлілася, што спартоўка будзе нараджаць у 6 радзільні горада.